حلم الفجر

السبت أبريل 05, 2008 11:32 pm

حلـم الفـــجر

بَتزلزِل من جوايا
أثور
بركان مكتومه فوهته
يغلى يفور
غلى الدم فى دماغى
فار على عيونى
غطى النور
حلم إمبارح
وَهْم كبير
الصوره توضح حبه حبه
تبان أشباح
تختفى
خاف الفجر
إن ِطلع عليه الصبح
يلقاه مشنوق
خاف م الموت
حِــلِم نزلت دمعة
الليل بيعدى

رغم الخطاوى المتقيده
والحلم المزروع
فى طريقه الف سد
هاعديلك يا بكره
فارد دراعاتى
بجرجر خطوتى
أو حتى بأحبى
هاتشعلق وأعدى

الليل بيعدى

ماحدش حاسس ؟

بعيدة الخطاوى

ع اللى نفسه يعدى

بسرعه مذهله

الدنيا إتخلقت فى سته..!!!

شعر/أيمن إسماعيل
نبذه عن الشاعر
أيمن محمد إسماعيل
عضو مجلس إدارة نادى أدباء القناطر الخيريه
بكالوريوس تجاره جامعة عين شمس شعبة محاسبه
بكالوريوس تجاره جامعة القاهره شعبة إدارة أعمال
موبايل/0101397087 / 0118786478

الأربعاء أبريل 30, 2008 10:14 am

قصيدة رائعة وفيها رونق وعبير المساء الجميل تشكر عليها وفي انتظار المزيد

حلم الفجر

حلم الفجر

رد: حلم الفجر