الواد الشقى

لساه الواد الشقى
بيصحى جوايا
أول ما الدنيا
ترمى همومها
يجري ويتنطط
ينسى ويضحك
لساه أيمن ماتغيرش
رغم سنين عدت
لساه بيعرف يهرب
ويرجع
لسنين العمر الحلوه
تلقاه مره
يستنى يقابل منى
وساعات بتكون
سلوى
وبعد شويه
يجرى يروح
لإيمان
وأما يحب يهرب
من كل الناس
تلقاه بيدور
على فاطمه
وبعد الواد الشقى ما يتعب
تلقاه بيدور
على حضن
حنان
فيدور على حبيبته
يلقاها
فارده رموش عنيها
يتمدد وينام
وهى تقوله
لفيت لفيت
ورجعت لحضنك
إهدى بقى
إهدى كمان
مش محتاجه الدنيا توهان
إصحى شويه
الدنيا مهيّاش كلها أحلام

شعر/أيمن إسماعيل

نبذه عن الشاعر
أيمن إسماعيل
عضو مجلس إدارة نادى أدباء القناطر الخيريه
بكالوريوس تجاره جامعة عين شمس شعبة محاسبه
بكالوريوس تجاره جامعة القاهره شعبة إدارة أعمال
موبايل/0101397087 0118786478